श्रीलङ्काको वैदेशिक रोजगार विभागद्वारा ८२ लाख डलर राज्यकोषमा दाखिला

विश्व

गृहपृष्ठ
विश्व

श्रीलङ्काको वैदेशिक रोजगार विभागद्वारा ८२ लाख डलर राज्यकोषमा दाखिला

एजेन्सी मंगलबार, माघ १०, २०७९

कोलम्बो – श्रीलङ्काको वैदेशिक रोजगार विभागले ८२ लाख अमेरिकी डलर राज्यकोषमा दाखिला गरेको छ । सन् २०२२ मा विभागले आर्जन गरेको उक्त रकम राज्यकोषमा दाखिला गरेकाे हो ।

श्रम तथा वैदेशिक रोजगार मन्त्री मानुषा नानायक्काराले वैदेशिक रोजगार ब्यूरोले गत वर्ष कमाएको रु तीन अर्ब राज्यकोषलाई सोमबार हस्तान्तरण गरिएको बताइन् । रोजगारीका निम्ति विदेश जाने देशका नागरिकबाट दर्ता शुल्कबापत उक्त रकम सङ्कलन भएको हो ।

राज्यकोषमा दाखिला गरिएको उक्त रकम इन्धन, चिकित्सा र अन्य कल्याणकारी कार्यमा खर्च गरिने तथा रु १० करोड क्यान्सर अस्पताललाई उपलब्ध गराइने मन्त्री नानायक्काराले बताइन् । गत वर्ष आप्रवासी कामदारहरूबाट देशलाई तीन अर्ब ८० करोड अमेरिकी डलर विप्रेषण प्राप्त भएको केन्द्रीय ब्याङ्कले जनाएको छ ।

प्रकाशित मिति: मंगलबार, माघ १०, २०७९ १६:४६

प्रतिक्रिया दिनुहोस्