पोखरा
राष्ट्रिय स्वतन्त्र पार्टीका सभापति रवि लामीछानेविरुद्ध सम्पत्ति शुद्धीकरण मुद्वामा २७ करोड ८९ लाख ४४ हजार ७०५ रुपैयाँ आर्जन गरेको अभियोग लागेको छ ।
आइतबार सरकारी वकिलको कार्यालय कास्कीले जिल्ला अदालतमा दायर गरेको मुद्वामा उक्त रकम गैरकानुनी तवरले आर्जन गरेको खुलाइएको हो ।
गोखरा मिडिया नेटवर्कमा पूर्वगृहमन्त्री लामीछानेका साझेदार बनेको पूर्वडिआइजी छविलाल जोशीले ७४ करोड ३४ लाख ७१ हजार ५५ रुपैयाँ ५२ पैसा आर्जन गरेको भन्दै सम्पत्ति शुद्धीकरणको मुद्वा परेको छ ।
जिल्ला सरकारी वकिलको कार्यालय, कास्कीकी सहायक जिल्ला न्यायाधीवक्ता शान्तिदेवी शर्माले ३१ जनालाई प्रतिवादी बनाएर अभियोग पत्र दायर गरेको बताइन् । सहकारी ठगीमा ३१ जना, संगठित ठगीमा १९ जना र सम्पत्ति शुद्धीकरणको मुद्वा ४ जनालाई लगाइएको छ ।
सम्पत्ति शुद्धीकरणमा रवि लामीछाने, छविलाल जोशी, लिला पछाइ र रामबहादुर खनालाई मुद्वा दायर गरिएको हो । ८ कम्पनी र ५ जना व्यक्ति गरेर जफथ प्रयोजनार्थ मुद्वा लगाएको शर्माले बताइन् । शर्माका अनुुसार पोखराको सूर्यदर्शन सहकारी प्रकरणमा मूल अभियोग पत्र, थप अभियोग पत्र र पूरक अभियोग गरेर कुल ६३ जनालाई प्रतिवादी बनाइएको छ ।
प्रतिवादीबाट १ अर्ब ५१ करोड रुपैयाँ विगो माग गरिएको छ । शर्माका अनुुसार पोखराको सूर्यदर्शन सहकारी प्रकरणमा मूल अभियोग पत्र, थप अभियोग पत्र र पूरक अभियोग गरेर कुल ६३ जनालाई प्रतिवादी बनाइएको छ ।
